میمن کمیونٹی: ایک درخشاں روایت، ایک تابناک مستقبل
نہ صرف پاکستان بلکہ دنیا بھر میں میمن کمیونٹی ایک بڑی اور منظم اکثریت کے طور پر جانی جاتی ہے۔ اس برادری میں اخوت، اتحاد اور بھائی چارے کا جو مثالی رشتہ قائم ہے، وہ یقیناً قابلِ تحسین ہے۔ میمن کمیونٹی کے افراد نہ صرف اعلیٰ تعلیم یافتہ ہیں بلکہ کاروباری مہارت، صنعتی وژن اور سماجی فلاح و بہبود کے جذبے سے بھی سرشار ہیں۔
پاکستان میں بہت سے صنعتی و تجارتی یونٹس میمن کمیونٹی کی قیادت میں کام کر رہے ہیں جن سے لاکھوں افراد کو روزگار فراہم کیا گیا ہے۔ ان اداروں کی بدولت نہ صرف خوشحال معاشی ماحول قائم ہوا بلکہ ملکی ترقی میں بھی ان کا کردار انتہائی مثبت اور قابلِ تقلید رہا ہے۔ ان کے حسنِ سلوک اور اصول پسندی کی بدولت ہر فرد کی خواہش ہوتی ہے کہ کسی نہ کسی صورت اس کمیونٹی یا اس کے اداروں سے وابستگی اختیار کرے، تاکہ کامیابی اور خوشحالی کی راہوں پر گامزن ہو سکے۔
میمن کمیونٹی کی فلاح و بہبود اور نظم و نسق کو بہتر انداز میں چلانے کے لیے ایک باقاعدہ تنظیمی نظام قائم ہے، جس کی موجودہ قیادت ایک انتہائی باوقار، تعلیم یافتہ اور قوم دوست شخصیت عزت مآب جناب محمد نجیب صاحب کے سپرد ہے۔ جنہوں نے اپنے خاندانی ورثے کو نہایت خوش اسلوبی سے سنبھالا ہے اور اپنی زندگی کو میمن کمیونٹی کی خدمت، ملک کی تعمیر و ترقی اور خوشحالی کے لیے وقف کر رکھا ہے۔
یہ امر بھی باعث فخر ہے کہ میمن کمیونٹی نے قیام پاکستان کی تحریک میں قائداعظم محمد علی جناحؒ کے ہراول دستے کے طور پر شانہ بشانہ جدوجہد کی، اور بعد ازاں تعمیرِ وطن میں بھرپور اور قابلِ قدر کردار ادا کیا۔
پاکستان ٹورازم پروموشن کونسل نے اپنی روایت کے مطابق، قومی ترقی و تعمیر کے حوالے سے ایک خصوصی ڈائریکٹری مرتب کرنے کا فیصلہ کیا ہے، جس میں میمن کمیونٹی کی تاریخ، خدمات اور نمایاں شخصیات کو اجاگر کیا جائے گا۔ اس ڈائریکٹری میں نہ صرف تاریخی حوالہ جات بلکہ موجودہ رہنماؤں کے تاثرات، پیغامات اور کردار کو بھی شامل کیا جائے گا۔
یہ مجوزہ ڈائریکٹری مستقبل میں ایک اہم دستاویزی حیثیت اختیار کرے گی، ان شاء اللہ۔
اس اہم اشاعتی منصوبے کو خوبصورت، باوقار اور مؤثر انداز میں شائع کرنے کے لیے آپ کی سرپرستی اور تعاون کا تہہ دل سے خیرمقدم کرتے ہیں۔
والسلام
پاکستان ٹورازم پروموشن کونسل
(برائے اشاعتِ خصوصی ڈائریکٹری – میمن کمیونٹی)
—
آپ کی رہنمائی کا منتظر،
بشیر اے شیخ